1998
張國榮柏林影展做評審多嘢學
 |
左圖：《愈快樂愈墮落》能在今屆柏林影展中奪得兩獎， 身為評審之一的張國榮(左)相信當中出了不少力。 |
專程赴柏林任柏林影展評審的張國榮，昨日接受記者訪問時表示，每日要睇三至四部電影，其中有大製作、有藝術片，亦有兒童戲，覺得學識很多東西。與哥哥同行的還有資深影評人李焯桃，哥哥表示：「大家雖然同聲同氣，但由於睇戲嘅觀點與角度全不相同，不過咁樣係好嘅，如果大家嘅角度一樣便無意思。」
|
|
對於早前褟嘉珍透露計劃以《紅色戀人》一片參加今屆康城影展，甚至對哥哥角逐最佳男主角十分有信心，哥哥的反應很大方：「乜仲趕得切咩？因為我知道如果要參加康城影展，三月底就要去晒片，但依家《紅色戀人》仲做緊後期。」哥哥笑言如果計埋今次，他已經是第四次被提名角逐康城影帝。
至於有沒有信心？哥哥說：「其實參加呢啲咁大型嘅影展，唔係香港人諗咁簡單，唔會有內定，好似《愈快樂愈墮落》事前講到好似呼聲好高咁，但實情未必係咁，所以我唔會有奢望，不過如果可以提名四次，自己都覺得安慰，因為都算破紀錄。」而昨日記者在柏林街頭巡視時，未見有《愈快樂愈墮落》的劇照，反而看見了黎明的一張《半生緣》劇照。
另外，電影《愈快樂愈墮落》導演關錦鵬、演員邱淑貞、陳錦鴻及柯宇綸昨日起程趕赴柏林影展，而被各界睇好為女主角熱門人選的邱淑貞則直言，希望大家不要給她太大壓力，因為其實自己亦未敢抱太大期望。而對於早前王晶在記者前大讚豆豆的演技出色，豆豆說：「首先多謝晶哥支持，但如果佢無睇過晒其他人圍嘅戲的話，咁就只係一廂情願啫！」她自己俾自己八十分。而於臨登機前，導演阿關則為大家帶來一個好消息，就是於當地預售的《愈》片門券，第一天經已全場滿座。 |
東方日報
LeslieCheungCyberworld © 2024 , All Rights Reserved