張國榮前晚一身貼身透視裝加閃令長褲及頭巾，再配襯埋長大樓，出席頒獎禮親自領取金針獎，頒獎禮後哥哥仲俾足面去埋慶功宴，大家都讚哥哥著得好性感有型，他笑說：「多謝，我好少咁YEAH，不過我比之前瘦咗好多，條褲要用扣針扣住。」

哥哥從好友陳寶珠手上領獎時，寶珠姐說：「我鍾意佢囉！」哥哥即笑笑口話：「係呀，鍾意我『出沖』俾佢囉。」

梅艷芳更臨場館恭賀哥哥，令他驚喜萬分，還邀阿梅上台共舞，掀起高潮，他說：「阿梅來真係驚喜。」

最後一次上攞獎

哥哥榮獲金針獎，全場哄動，哥哥笑說：「唔係噓就得。」他都相信今次是最後一次上台攞獎。哥哥因為好遲才到場館，所以他是從寶珠姐口中才知自己新歌《左右手》是十大金曲獎之一，不過他說：「我都唔會上台攞，(你有有心癢癢想攞番獎？)「無，完全無。」問他可見到蔡楓華，哥哥說：「在台上見到佢坐喺度。」

慶功宴開心滿場飛

張國榮在《十大中文金曲》頒獎禮奪得金針獎，又憑《左右手》獲取金曲獎，不過哥哥依然堅持拒絕領取有關歌曲獎項，所以金曲獎交由唱片公司高層陳小寶代領。港台安排哥哥壓軸演出，哥哥的魅力壓倒全場，成為全晚焦點所在，除了他的精彩表現令全場觀眾看得目不轉睛，哥哥更悉心打扮著透視裝兼露點，甚有睇頭，獲得全場好評。哥哥再在台上攞獎，圈中朋友鼎力支持，除了陳寶珠亦畀面哥哥答應上台頒獎，當哥哥唱《當年情》時，狄龍又上台送贈頸巾，全力支持哥哥攞金針獎的梅艷芳亦突然出現獻花，令哥哥今次攞獎更添色彩。

哥哥在台上風騷完之後，也有出席當晚慶功宴，他在場上滿場飛，不停接受祝賀及敬酒，又跟一眾歌手打招呼，更主動行近一些新人身邊交談，表現得隨和親切。哥哥透露台上的服裝乃設計師負責設計，自己好少著得咁yeah，他很滿意當晚表現。有說這次可能是他最後一次攞獎，他說：「都可能係囉，不過今晚好高興，做咗咁多年，起碼獲得認同。」

相信現場觀眾都很認同哥哥的實力，不過當年因哥哥得獎而爆出一句「一剎那光輝不是永恆」說話的蔡楓華也是前夜的座上客。

哥哥說：「我在後台無見過阿Ken，不過但好似坐得好近，因為有舞台燈所以我睇得不清楚。」