Leslie Cheung Cyberworld

張國榮良辰吉日新居入伙唐先生契媽到賀嘆下午茶

1997-10-03

據通勝指示：昨天是「修造動土上樑安門作灶會友吉日」，張國榮在堪輿師提議下，昨正式入住何文田加多利山豪宅，正式與劉德華成為街坊，認真恭喜恭喜。

張國榮大清早就駕著一部銀色保時捷跑車，與好友唐先生到達新居，而跟隨著他二人進駐加多利山新居的，還有由司機駕駛的一部Range Rover，車上接載著一個菲傭和一隻大狼狗。到底是新居入伙大喜日子，張國榮與唐先生都心情甚靚，特別是了Leslie(張之洋名)，他更手持一串新居的門匙，挨在門外與記者聊天。

Leslie對記者說：「係呀！今日入伙呀！入鄉隨俗，咪簡簡單單拜吓神囉。」

「點拜？」

「好似一般咁拜咯，拜吓四隻角咪得囉。」

「今日主要都係招呼契媽同埋唐先生等等一班圈外朋友飲下午茶，傾吓偈。」

問他是否滿意新居時，他笑笑口地說：「間屋係張叔平(著名電影美術指導)設計，我梗係滿意啦，不過因為好多都係佢嘅idea，所以我都未完全睇清楚間屋嘅設計。」

「張叔平收得貴唔貴？」

「梗係唔貴啦，我哋朋友嚟嘛！」

記者向Leslie提出可否入內影他的室內擺設時，他卻一口拒絕，並說：「唔畀你地(記者)影，費事啦，上次有人偷入去影，哈！佢好影唔影，影埋啲爛鬼木，我花園嗰棵榕樹呀，響舊屋度搬過嚟，而且用吊機吊入後花園，咁都唔影！」