2000
張國榮鐵定親領金針獎
張國榮昨日出席港台記者會，正式表白他會上台親自領金針獎，無懼「姣婆守唔到寡」的指控，認真豁達！
張國榮獲港台《十大中文金曲》頒發「金針獎」，昨日哥哥（張國榮）出席中文金曲記者會，正式表示會在頒獎禮上親身上台領獎。
|
哥哥謂：「我恨『金針獎』，因為開埠以，都只係十幾人攞過，呢個唔係競爭嘅獎項，所以我會親自上台，我都好耐無親手攞過獎。」
「其實我都介意俾人話『姣婆守唔到寡』，但諗若果唔攞，就可能無機會。而家我唔會再鑽牛角尖，我反而多謝傳媒話我係『姣婆』，若果咁都係姣婆，咁好多人都係姣婆。就好似阿梅同阿倫話唔攞獎，都親自去攞『金針獎』，可見呢個獎嘅重要性。」 |
 |
事後再問哥哥完「金針獎」後，會否再宣布不攞獎時，哥哥衝口而出說：「我獲得港台『金針獎』同埋遲啲無線嘅『榮譽大獎』都係開心事。以後若果再獲一啲唔係競爭性嘅獎項，我都會上台親自攞獎。」
大讚謝霆鋒好抵錫
而哥哥還大讚霆鋒，他說：「你（霆鋒）到我腰位時我已識你，得，好掂，前途一片光明，我哋有同一遭遇，都被人噓過，我都試過掟咪，但而家再遇到一笑置之，十八歲（其實霆鋒已十九歲）已磨練到咁，好抵錫！」
霆鋒說：「好多謝哥哥讚我，我同哥哥都唔係乖乖純純，幾相似。」
至於《十大中文金曲》的「飛躍大獎」男、女歌手獎候選名單，男歌手方面有陳奕迅、許志安、古巨基、謝霆鋒、蘇永康和馬浚偉；女歌手則有梁詠琪、陳慧琳、莫文蔚、楊千嬅、張柏芝及容祖兒。此外，昨日有報道指馬浚偉有心臟病，他說：「我只係個心跳得快，唔係心臟病，打死都唔退出娛樂圈。」
太陽報
LeslieCheungCyberworld © 2024 , All Rights Reserved