1996
張國榮信爾冬陞先脫
《風月》一片今年有份參加法國康城影展。前晚，《風》片男女主角張國榮、鞏俐及攝影師杜可風，三人行乘搭飛機往法國康城，為了出席這國際影壇盛會，哥哥更將較早前為《新上海灘》演出潦倒許文強所留的「二撇雞」刮掉，青靚白淨重現。
哥哥面珠白白，屁股滑滑，也難怪近期成為導演們眼中的搶手露臀男星。較早前，張堅庭更透露希望找張國榮演出他目前籌備的《紋身女郎》一片，戲中，哥哥要在女主角的屁股上刺青。張國榮前晚在機場接受《蘋果》記者訪問時說：「我根本就無時間再接戲，張堅庭送來那個劇本，我連睇都未睇過，其實我現在個期已經排到過了九七，所以我應該唔會接拍啦。」
對於近期頻頻接拍露臀電影，哥哥說：「要睇吓情況啦，同埋要睇導演係邊個？好似小寶咁，我信得過佢唔會害我，我先至拍，唔通係導演叫我露，我都露咩？」
蘋果日報
LeslieCheungCyberworld © 2024 , All Rights Reserved