Leslie Cheung Cyberworld

日本選十大好男人女分析家指由她選哥哥排第二

（原標題：織田裕二5票險勝全男班選十大好男人）

由Men's Club所舉辦十大「好男人」選舉，結果已經12月雜誌內揭盅。

呢個十大「好男人」選舉有別於一般「美男」或「型男」選舉，所有投票讀者全部都係男士，女士冇份參與。據雜誌方面表示點解會採用全男士投票，主要原因係怕男士睇到由女士選出十大「好男人」結果會眼紅而唔順氣，所以就採取全男士方式投票，由男士選出心目中「好男人」，無論結果如何，都冇咁「礙」眼喎。

張國榮有捧場客

其實今次賽果都非常正路，相信就算女士們睇到都唔會有人反對。織田裕二就以大熱姿態蟬聯十大「好男人」第一位，第二位係福山雅治，第三位係木村拓哉，大家熟悉金城武排行第六位。

木村第三次上榜，自言對賽果都有少少意外，木村只能得第三位，唔知係咪男士妒忌木村太過「萬人迷」呢？不過織田裕二到第一位，雜誌方面賽後分析就覺得織田裕二絕對係實至名歸。除因為織田裕二套《跳躍大搜查線》勁賣座外，織田裕二本身給人形象亦好有個人風格，唔會輕易受外界因素動搖，給人一種真正男人感覺。

另外該雜誌一位女性分析家就表示，如果由她個人選頭五位，哥哥張國榮會排第二位，哥哥日本知名度真係不可小覷。