Leslie Cheung Cyberworld

《世紀中文金曲選舉》哥哥祝老朋友蔡楓華個唱成功

哥哥：有時間會去睇

一句「一剎那光輝唔代表永恆」，多年來掀起不少風雨，亦改變了蔡楓華的星運。事隔多年後的阿Ken（蔡之洋名），終於重新振作投入樂壇。張國榮前晚出席活動時亦冰釋前嫌說：「我地相識一場，都算係朋友。」並祝福他演唱會成功。

十年前被蔡楓華以語相贈的張國榮，多年來事業可謂如日方中，相反當年視他為假想敵的阿Ken，負面新聞至今仍不絕於耳；前晚出席港台《世紀中文金曲選舉》的哥哥（張之暱稱），被記者問到對阿Ken的新聞有何意見時，他說：「我地相識一場，都算係朋友，對於佢嘅新聞，我唔想評論。」

問到哥哥可知阿Ken即將舉行演唱會時，他即頗為關心地說：「係咩？定咗日期未？喺邊度舉行？」當得知對方暫定於下月初假大學會堂舉行音樂會時，哥哥語重心長地說：「希望佢成功，我係衷心希望佢會成功！（若對方邀請你可會出席？）如果有時間我會去睇！」

阿Ken向哥哥致謝

昨日記者致電阿Ken，告知哥哥坦言「視他如友」一事，對方即冷靜地說：「在未核實之前我唔想發表任何野，我依家講野要小心同得體，你畀我諗吓先。（係哥哥公開講）咁如果係真嘅話，我好多謝佢！」