1996
張國榮輸俾阿毛
1996-12-21
張國榮演唱會已經開始咗成個禮拜，今次但老人家又跳又唱，又扮女人又露底露點，可以話搏晒老命。正如演唱會嘅主題：「姣、靚、妖、寸」，Uncle喺呢四方面都做足一百分，滿足晒咁多年都支持佢嘅忠實Fans要求。
 |
其實演唱會除咗Uncle努力，連紅館外面賣相嘅仁哥仁姐一樣咁努力。
據小記現場發現，由紅館外圍、隧道至到行人天橋總共有十二檔左右(當然幕後老闆可能只有一個人)。其中一檔負責人阿毛(假名)說：「今次經營方法相當系統化，用套餐形式出售，價錢由四十蚊一套起，仲有年曆、海報、電影劇照，同埋巨型大相。」
相比於Uncle喺演唱會度落力宣傳嘅支持兒童癌病基金有心人卡(Regain－Extend－Dream Card)，因為最低消費都要二百蚊，而且只得三張，所以反應就麻麻地。 (聲明啟事：因為現場龍蛇混雜，為免有畀人圍毆事件出現，小記唯有收番個相機入袋，仲買咗套張國榮嘅最新演唱會新相以求息事寧人。) |
香港報章
LeslieCheungCyberworld © 2024 , All Rights Reserved