1997

Leslie慶功宴真情流露

 1997-01-06

最後一場《張國榮跨越九七演唱會》，前晚假紅磡香港體育館圓滿結束。演唱會臨近尾聲，Leslie在台上感觸地表示：「自己唔算係孝順仔，十幾年來，每次開演唱會，媽咪都會嚟捧場，今晚媽咪亦都有來到。」他對觀眾席的媽咪說：「媽咪，點解生得我咁靚仔，係咪同爹哋響嗰晚特別high，特別興奮哩？今晚特別唱首歌俾你聽。」，另外，仲有一個，十幾年來，在我最失意，經濟有困難時候，幾個月嘅糧都借畀我，幫我度難關，唔講你哋都知嘞，媽咪，呢個係你嘅契仔  (唐生傳聞是哥哥的閨中密友)，一生中我兩個至愛，生命中兩個重要的人。」為答謝兩位至愛，哥哥特別獻唱一曲《月亮代表我的心》給他們欣賞。

演唱會結束後，Leslie隨即便出席慶功宴。為答謝所有工作人員，哥哥特別花心思設計出抽獎遊戲，送出的現金及旅遊禮券，全是他自掏腰包換席上，哥哥更公布為兒童癌病基金籌款義賣的愛心咭，已籌得九十六萬元的善款，在張耀榮的支持，個人再捐出四萬元，最後籌得善款數目則達一百萬元之多。 

最後一場個唱他沒灑淚，他說：「雖然好開心，但不會喜極而泣的，都做了咁多年人囉。好多時會覺得好感動，廿二晚個唱，晚晚的反應都好犀利，雖然唔係百分之百爆滿，但呢八、九成觀眾嘅反應也相當好」。哥哥續道：「我個演唱會實在唔易做，歌迷要求高，要聽歌的，少D料都無得企上台做。觀眾好好，能夠帶到我嘅情緒和舞台藝術，今次是真真正正嘅演唱會，能夠得到觀眾嘅信用，扮男又得，女又得，呢D要走好長嘅路，先至可以做到，無藝人敢做的。」

有記者問哥哥為何要多謝媽咪和唐生時，即引來哥哥的不滿，語帶敏感地答說：「覺得無野吖，呢個時候覺得要多謝就多謝囉！」又問哥哥這兩個人是否他的至愛時，他只是分開雙手攤大手板聳聳肩，沒有回答。此時，陳太識趣地向記者說：「分鐘訪問時間終止。」正想讓哥哥離開之際，又有記者問哥哥，覺得今次個唱值多少分？哥哥藉此責斥說：「唔可以講出嚟咁核突，好似頭先問嘅問題咁(媽咪、唐生是否他的至愛？)，好多X餘，係咪？有啲野用文字寫出嚟會好核突，就咁睇上去會舒服，令觀眾暍采。講過就夠啦，唔想再講任何野！」隨即在陳大安排下，哥哥便快步離去，終止記者的訪問。

新晚報