1996
張國榮新碟《紅》有銷量卻欠播放率
張國榮新廣東碟《紅》推出首個星期登上IFPI銷量榜亞軍，屈居陳慧嫻之後，今個星期終奪回冠軍之位，然而不少人對哥哥只取亞軍成績均抱質疑態度，問到滾石總經理黃達輝意見？
黃氏坦言：「有好多嘢唔駛講得太白，自己喺呢個圈亦明白遊戲規則，唔止IFPI，其他音樂頒獎禮亦一樣，有同無只差一線，堅持要有，老闆與歌手都好痛苦。」
「咁哥哥有無唔開心？」
「佢就睇得好開，反而自己就『噏』住唔開心囉！」
黃達輝表示《紅》碟銷量達十二萬，滾石一向重銷量、口碑、播放率多過排名，他好奇怪《紅》銷量好，電台播放率，平均一星期只得三十次，既然唱片有人買證明歌迷鍾意聽，但點解電台會唔播？反而碟都未出嘅歌，就播到「冚冚」聲，真係不合理。問到他可有向電台了解？黃達輝謂：「佢咪答你張碟幾好，唔錯吖！點解唔播又無講喎！」
成報
LeslieCheungCyberworld © 2024 , All Rights Reserved