1996
榮少自喻浮游動物
1996-12-31
九六年應是張國榮大豐收的一年，歌演也如是。首先哥哥達成心願，開一間咖啡室「為你鍾情」，一開張就其門若市，歌迷痴心地保留他退出樂壇的告別個唱票尾，便可喝到哥哥贈送給他們的一杯咖啡。開一間咖啡店要賺錢並不易，偏偏哥哥在市道低潮，人人節衣縮食日子，生意卻愈做愈旺，旺到準備九七年大展拳腳開分店，到時大家不必要去銅鑼灣才幫襯到哥哥，可能「為你鍾情」有一會好似七‧十一咁，梗有一間在左近。
哥哥復出舉行個唱，一開就廿四場，認真不簡單，要走時歌迷哭著叫他不要走，要回來歌迷又不捨不棄支持他，「萬千寵愛在一身」，相信只有哥哥一人。
「今年成績我真係好滿意啦。」哥哥笑道，《紅》唱片係我有史以來最賣得一張，我又拍唔同類型電影，拍三級片《色情男女》，拍同性戀電影《春光乍洩》，有好大挑戰，做一個演員不可有規限，做到怱男怱女先係最高境界，我話過啦，我張國榮就係咁，一直做番自己，我無形象嘅，我係浮游物體，觀眾鍾意我就得啦。」
九七年哥哥展望，只有一個字：「忙！」「我做完香港個唱，即安排巡迴個唱啦，先去日本美加，跟住世界巡迴，東南亞、台灣、中國我都去，我又會接電影，我怕我咁多工作，自己咁辛苦，辛苦得滯可能唔拍電影住啦，但係歌就一定唔會唔唱，我在演唱會那裡講過嘛，我會一生一世咁唱下去，歌迷實在太錫我啦，重踏舞台個感覺實在太好，太過癮，點捨得再走。」
哥哥還有一個心願——做導演，我真係想執導一部電影，之前度《林鳳傳》，依家有好多問題要處理，未必拍得成，但終有一日我要完成做導演心願。」
香港報章
LeslieCheungCyberworld © 2024 , All Rights Reserved