1996
黎明捧榮少場大讚好嘢
1996-12-20
文：阿吉
黎明十二月十二日由新加坡返港，抵啟德機場時是下午七點半，由機場直往紅館捧張國榮場。翌日便啟程往上海。黎明去到紅館時，張國榮剛剛踏足升降台，準備升上舞台，掀開帳幕的黎明叫咗一聲：「辣士里，我來了。」那準備出場的，竟然像對小孩子般：「乖啦，去揾個位坐低。」剛下飛機的黎明在紅館直坐到散場。據說黎明睇本地人的騷，通常都無坐足全場，今次坐足全場不特止，還與張國榮去宵夜，交換心得。
黎明對張國榮話，今次他在他身上學到唔少嘢，張國榮竟問：「學到些什麼？」嘩！呢個問題都幾難答，嗰個據說倒也答得頭頭是道。黎明的一班朋友事前認為黎明唔會太鍾意哥哥呢個騷，事關哥哥今次有啲「妖」。
黎明比較傳統。點知大出意料之外，黎明竟然覺得哥哥呢次好到無得頂，「所有都好，無缺點。」
「吓？所有都好，無缺點。」「無可能無缺點嘅？」朋友話黎明話：「你哋唔識嘅嘞，作為一個表演者的我來，辣士里今次好到無得彈。」
明報
LeslieCheungCyberworld © 2024 , All Rights Reserved