1996
一句江湖救急 張國榮賣人情客串 黃百鳴以身相許
昨日《家有囍事2》開鏡，唔知大整蠱定係大陣仗，晨早八點鐘，就叫齊成班演員入石澳參加拜神儀武，搞到鍾麗緹、伍詠薇等多位靚女花容失色，要用「黑超」掩面，拜完神後，又叫班演員兩點鐘再入石澳，拍一個剪綵鏡頭，一頭一尾的安排，唔知係邊位度出嚟！鍾麗緹、伍詠薇、黎姿參加拜神儀式後，返屋企休息兼扮靚，執番啲眼耳口鼻，又趕入石澳拍一個鏡頭，認真唔話得。
 |
雖然昨日是《家》片開鏡，但亦為煞科戲，因此黃百鳴特別邀請到張國榮、朱潔儀、彭丹、黃玉郎、楊寶玲、江希文、泰迪羅賓客串一個鏡頭，楊寶玲塞車遲到，錯過了大場面，黃百鳴識做，補她一個特寫。
張國榮認真唔話得，黃百鳴一個電話，他便答應客串，拍了兩個鏡頭，他說：「黃百鳴話江湖救急，叫我幫忙，我咪幫吓囉。」
一句江湖救急，張國榮便客串演出，仲唔計片酬，黃百鳴又欠哥哥一個人情？哥哥說：「黃百鳴欠我很多人情！」黃百鳴聞言表示以身相許，哥哥第一時間話：「唔使囉，唔使囉。」
哥哥表示，連續八年拍賀歲片，日前爾冬陞問他今年拍唔拍，但他要做演唱會，沒有時間拍攝，才推辭了。 |
 |
 |
香港報章
LeslieCheungCyberworld © 2024 , All Rights Reserved