1999
《星月童話》常盤貴子床上肉搏張國榮幾乎全裸
張國榮和常盤貴子昨日出席假五星級酒店Park Hyatt舉行的《星月童話》記者會。接受二百多位日本、香港和台灣的記者訪問，場面墟。會上哥哥大讚常盤專業又謙虛。他更直言好珍惜呢段友誼，希望有機會再合作。
日本傳媒對哥哥和常盤的一場床上戲最感興趣，不斷追問，哥哥笑說：「我覺得拍呢場情慾戲我要大讚常盤，香港好多女明星拍呢類戲都好尷尬，但兩個人感情昇華到上床做愛，係好開心嘅情況，常盤處理加埋我導，佢處理得非常好，一啲尷尬都冇，當時佢身上九成物體除清，差唔多裸體上陣，感覺上大家情慾一致，呢場戲拍咗二、三個鐘，拍完之後佢好輕鬆，好開心，冇嬲，對佢講係好嘗試。」
情慾一致
究竟哥哥點常盤投入做情慾戲？哥哥說：「其實一都唔困難，佢係非常專業演員，佢欣然接受情慾鏡頭，唔需要提供任何技巧，（咁你拍呢場戲時唔著衫？）唔方便作答，對唔住。」
 |
側聞常盤來港拍戲時曾胃病發作，哥哥即煲湯給她飲，照顧有加，對此，哥哥淡淡說：「無論同我合作過任何演員都冇任何投訴，我好容易相處，常盤一個日本女仔拍戲，唔舒服，我屋企煲開清潤湯，俾一壺佢飲，好小事！」 |
哥哥大爆常盤拍情慾戲時幾乎全裸上陣，究竟佢剝剩乜衫？常盤哈哈大笑，含蓄地答：「大家當時剝剩乜就乜囉。（胸圍、底褲？）總之唔係手襪同頸巾啦。」點都唔肯講係咪上身全裸。
而今次《星》片的宣傳費達一億日圓之巨（約六百萬港元），影片將於六月份在東南亞各地約千間戲院同時公映。
蘋果日報
LeslieCheungCyberworld © 2024 , All Rights Reserved