1999
哥哥出席《流星語》首映逼爆場
|
|
哥哥前晚出席《流星語》的首映，在他出現前，現場是風平浪靜，但他一出現引來大群記者及影迷團團圍住，哥哥被逼到透唔到氣之餘仲連訪問都冇時間做！
哥哥一向出現都惹來大群影迷圍觀，前晚亦唔例外，他一出現，就立刻引來記者及影迷圍觀及影相，環境極度混亂，公關人員本來想他先往簽名冊處留名，但哥哥一看四周人群，就對公關說：「我諗咁樣嘅環境都冇可能簽名啦！」跟著就入了會場。
肥姐與哥哥多年老友，所以專誠捧場，她對近來的新聞有感而發：「我係識吳綺莉，佢同大哥單野我就唔知（咁伊健呢？），目前Maggie最值得支持同鼓勵。（咁陳寶蓮呢？）佢太不知自愛啦！」
李惠敏雖然在《流》片中只是客串，但首映禮仍盛裝出席，她笑謂：「近排做咗『串星』，但冇所謂啦！」對於傳聞的股壇男友，她表示：「最近我地各有各忙，隨緣啦！」 |
太陽報
LeslieCheungCyberworld © 2024 , All Rights Reserved