Leslie Cheung Cyberworld

張國榮苦練誘人舞姿只為滿足歌迷之幻想

張國榮喺自己個演唱會，著起件大紅西裝跑全場，搞到班歌迷暈晒，癲晒。

「本來劉培基做咗兩套西裝俥我拍封套，第一套是紅色，第二套是金色。」張國榮話自己都好敢著任何色嘅衫，但係著紅、金兩隻色就認真考起。

「我最怕俾人話我『靚』，好似『乸』型咁，著金色衫，我都想像唔到會搞到乜情形，所以，要我選的話，只可以選紅色。」

張國榮而家最鍾意人地話佢「有型」，你一開口讚佢，佢就乜都同你講。

「好似我喺演唱會同個女舞蹈員跳個隻『貼身舞』，我一早就知歌迷會呷醋，果然，晚晚跳都聽到一班女歌迷鬼殺咁嘈！」

有人話佢喺台度表演淫舞喎，激到佢哇哇叫。佢話自己成熟咗至敢跳呢種性感舞蹈，如果唔係，好似o靚仔勾引女人咁款，一定唔肯跳。

「你明知都跳，即係引人啫！」我話佢好衰。

「我成班女歌迷都鍾意我性感，想像同我跳貼身舞嘅係佢哋，所以我就俾啲幻想佢哋，人人都可以當跳舞個人係自己，咁就皆大歡喜喇！」

張國榮死都唔認係「淫舞」，佢話舞蹈係用來表達內心思想，佢同個舞蹈員跳舞咁夾，唔知落咗幾多苦功，咁樣講，唔單止侮辱佢，重連神聖嘅舞蹈都侮辱埋。

開完演唱會之後，張國榮最想去旅行，佢鬼咁懷念上次去法國嗰段日子。

「不過好難行得開，幾個頒獎禮都要做，過咗年先有得諗。佢去法國鍾意買衫、買領帶。

「領帶，你好鍾意買領帶咩？」「係呀，法國果邊有解放軍款的領帶賣，全條領帶都有半個解放軍頭，幾好玩呀！第二個地方無得賣架！」