爾冬陞籌備多時的《色情男女》，昨午在一場「牛女」艷舞後由戲中「監製」羅家英宣布正式開鏡。記者招待會以戲中戲形式介紹各演員出場，加上艷舞女郎表演的三場火辣辣舞蹈，有心思兼有新鮮感，謀殺在場大批記者不少菲林。

導演爾冬陞形容《色》是一部主題嚴肅卻不heavy(沉重)地反映部分圈中人現況的喜劇，會有不少幻想場面，其中不乏張國榮的性幻想，希望達到樂而不淫的惹笑抵死效果。

 除張國榮飾演一個霉到透無奈要接拍三級片的導演外，戲中其他角色搞笑之餘也甚為有血有肉。

「落難阿伯」徐錦江——過氣紅星華叔，可惜五十幾歲雄風不再，有心無力為生計才出此下策，首度處男下海拍色情片。真實年齡只三十幾歲的徐說：「除咗要化個老裝外，小寶(爾之暱稱)叫我盡量殘啲，譬如飲酒、去蒲、唔瞓覺，唔可以挺直企，最好係駝背突出肚腩。」一俟拍完《紅燈區》，徐打算放縱自己令肌肉鬆弛及力谷個大肚腩出現，務求搖身一變為臨老做鹹片男主角的阿伯。  

「蔡欄第二」羅家英——飾演一位希望拍到有水準三級片的監製阿蟲，有理想有原則，卻慘成老闆和工作人員的磨心。家英哥說：「我今趟以幾位圈中人配合個人特色『溝』成這個形象，參考電影人包括蔡欄、李兆基。」

「無良片商」秦沛——投資三級片的片商，小寶胞兄秦沛稱：「今次以喜劇形式演出，但到而家有少少惆悵唔知點做，希望埋位時可以諗到。」

Leslie兩個親密女人

「掃黃拖友」其文蔚——既是掃黃差婆又是Leslie的女友阿May，所以幾唔開心男朋友拍色情片。Karen(莫之洋名)說：「睇劇本時覺得幾寫實，男女朋友男女朋友之間拗撬，真係會響現實生活發生，而且戲中戲會幾煞食架。」她在片中會與Leslie有纏綿戲，不過相比徐錦江和舒淇，當然屬於小兒科。

「開通媽咪」文蘭——一個既通情達理又好有人性的中年女人，對兒子Leslie拍三級片另有一番見地。闊別影壇二十六年的粵語長片女星文蘭與Karen一樣，兩位與Leslie有密切關係的女人，不約而同對《色情男女》有好大期望。