Leslie Cheung Cyberworld

張國榮黎明緣來緣去心情超靚與記者玩成一片

張國榮到加拿大一段日子，近日又施施然回港，而且心情顯得極靚，有問必答，有相照影，更加同每位在場記者合照，風騷無比，尤其見到一些熟悉記者，就笑問：「喂，第幾次同我合照呀！」後來有位記者遲來，要求可否照他一張單人照，他又佻皮的說：「唔影，我只影合照，同你合照就影。」然後，就一溜煙走了，真拿他沒法。

有人說，他心情超靚，是因為纏繞他一段日子的脫髮現象，終於解決有望，早前他最怕別人問他為何頭髮稀疏，但現在呢？因為他找到一位可助其頭髮再度成長的師傅，問題逐漸解除。

不過，筆者又聽到一個「江湖傳聞」，話說兩年前曾經公開表示敬仰張國榮，又幾乎拜他為師的黎明，近年已與他關係疏離，而靠近譚詠轔，此舉令張國榮不悅，所以私下對朋友說，與對方已不算朋友，不過可以係點頭之交。所以，張國榮即使在香港，都沒想過要去看黎明演唱會。筆者就此事間張國榮，問他為何不去看LEON個唱？

張國榮笑笑口說：「唔得閒囉，你睇我幾多應酬同工作至得架，所以每晚係我黃金時間，邊有時間去睇演唱會。」

「你真係只為咗有時間先至唔睇？係咪有乜唔妥？」他又笑笑口道：「都無乜唔妥，真係無有時間，而且咁多人讚過，應該係好睇啦，我睇唔睇有乜分別啫。」

他更與筆者說：「傾第二樣啦，無謂搞到大家唔開心，其實真係唔重要嘅事。」筆者也明白他意思，若然「道不同不相為謀」，還有什麼好說。

「你會唔會再開演唱會呀，大家都等緊呀，既然都唱歌，不如破例搞演唱會啦，我代表FANS要求你呀？」

「你估我再開演唱會，重有無吸引力呢？」

「吓，榮少，你講笑係唔係，點會無吸引力？開五、六十場就話懷疑吸引力啫，如果三、四十場都唔係問題，不過今時今日，你已經養尊處優，重跳唔跳得？」他如此說也令筆者懷疑其魅力與體力，只是疏於練習，所以好難說狀態依然「弗」？

「當然無問題啦，叫我又唱又跳係小兒科，又點難倒我，不過在形式上要點突破至難，未有好橋我都唔會做，容乜易又畀人話新不如舊架！」

「老江湖」就是「老江湖」，別人未說他先「踢爆」，先塞著別人的嘴巴也。