2002

張國榮Fans中招 千八元買假飛 「偽善黨」橫行


 

 2002-03-16

  

   /images/0000/3285/16.3.921_1_.gif/images/0000/3287/16.3.022_1_.gif/images/0000/3289/16.3.023_1_.gif 

 

 

張國榮的Fans出名善心兼富貴,最近張國榮新片《異度空間》即將上映,卻引起一場「慈善首映」風波,有騙徒竟睇中Fans的忠心與善心,以慈善籌款為名,非法以首映入場券「募捐」,令哥哥一班樂善好施的Fans中招,以一千五百元至一千八百元不等,購下大批「假飛」。

 

昨日星皓公司收到大班張國榮Fans的求助電話,表示自己以千多元購入《異度空間》的「慈善首映券」,現在才獲悉根本沒有慈善首映這回事,令他們焦慮萬分。

 

 

星皓無意報警 

 

而星皓電影公司老闆王海峰,在接受本報訪問時表示,為了不想更多「好心」Fans受騙,再次澄清張國榮的新片《異度空間》並沒有舉行慈善首映禮,而首映門券亦不會公開發售。

 

從受騙Fans提供的門票所見,該張其實是電影公司印製的正場換票證,但騙徒卻把印有「慈善首映券」字樣的貼紙貼上魚目混珠。王海峰謂:「我都好同情有Fans受騙,那些飛根本只係平時的貴賓券,但因為成件事根本同星皓無關,電影公司係唔會作出賠償。不過我體諒到佢地嘅心情,會安排佢地登記,然後再搞一場特別場俾佢地睇囉!(咁電影公司會唔會報警?)我地都唔想小事化大,所以唔諗住咁做。」

 

其後記者再聯絡上張國榮,他知道自己的Fans受騙,即謂:「嘩,乜D假飛都咁貴呀!我以為依家興偽鈔啫,估唔到連偽飛都興,叫DFans唔好咁傻,小心俾人呃。」

 

 

哥哥妙計安撫 


張國榮對Fans的遭遇深表同情,即時想出一個方法向他們作出補償,他笑謂:「佢地本來都係出於好心,想做善事啫!佢地咁有心,遲D公司安排我同班日本Fans聚會,就特別招待埋呢班香港Fans,我會簽埋名送本《異度空間》畫冊安慰吓佢地,唔使唔開心啦!」張國榮對自己的Fans如此細心,難怪Fans們如此專一擁護了。

 


東方日報

LeslieCheungCyberworld © 2019 , All Rights Reserved