2002

哥哥唐唐尖沙咀組製作公司


 

 2002-05-17

 

張國榮(哥哥)近日新聞多多,既傳他押後錄新碟只因撞邪,昨日又傳他相約好友梅艷芳到台灣醫禿頭,實際上哥哥向唱片公司要求休息,只因他忙在其位於尖沙咀新成立的Dream League公司,為他自導自演的新片做籌備工作。

 

張國榮上月開始在尖沙咀租下一個單位作為新公司辦公室,近日哥哥與唐唐的新公司已完成裝修,並命名為Dream League,這幾日他在新公司為他自導自演的新戲度劇本,新戲暫名《偷心》,故事講述兩個男人同時愛上一個女人的文藝片,主角除哥哥外,還有胡軍及寧靜,將到內地取景。

 

/images/0000/3805/17_5_03.jpg        

打麻雀引致失眠

  

昨日哥哥應邀出席好友莫文蔚媽媽莫何敏儀的義賣慈善活動,更即場開出支票予莫文蔚媽媽,捐款做善事。

 

對於有傳他拍電影《異度空間》後撞邪,他否認說:「黐線!唔係!我連閃燈都驚啦!(有傳近日你經常瞓唔著、心神恍惚?)唔係,玩大兩晚通宵麻雀咋!都唔關事。問我信唔信邪?我對呢樣野係敬而遠之。」

 

談到有雜誌報道他與梅艷芳往台灣醫禿頭,他聽後笑說:「係咩!冇喎!我N咁多年都冇去過台灣!(他更指著頭髮反問記者)我有禿頭咩!」

 

問他是否暫停所有錄音工作,他說:「我所有歌都錄晒啦!只不過係影唱片封套要暫停,係我同環球(唱片公司)提出休息幾日,因為我度新戲劇本度到太累喇!」

 

為了這部新作,哥哥自言壓力不小:「第一部電影好緊張,覺得壓力大,自己要求又高,一做就要做到最好!(幾時會開拍?)我都想打鐵趁熱,不過劇本仲搞 緊。」

 
談到好友張曼玉(Maggie)離婚,哥哥說:「呢d係人地私人事!總之一句話守口如瓶,但我覺得佢係個好理智的人,唔係一時衝動。(最近Maggie同梁朝偉傳出緋聞?)唔係,兩個都係專業演員,剛好一齊拍戲!或者係電影公司宣傳噱頭。(有報道指劉嘉玲同Maggie為爭梁朝偉而反面?)三個都係我好朋友,點答你呀!但係我就冇見到。」

 

 

 

 

 


太陽報

LeslieCheungCyberworld © 2019 , All Rights Reserved