近日有報道指張國榮拍完鬼片《異度空間》後，懷疑撞邪，以致他經常失眠。報道指他情況相當嚴重，要接受醫生治療，因此哥哥與黃耀明合作推出的大碟，也要暫停錄音。對於種種傳聞，哥哥斷然否認，笑謂：「黐線，梗係唔係啦！」

哥哥昨日以特別嘉賓身分，出席莫文蔚媽咪（莫何敏儀）所推出的《VCD英語拼音》慈善版記者會。哥哥穿上淺灰色西裝，架上淺綠色太陽眼鏡，精神奕奕地亮相，完全不似有失眠煩惱。

對於指他拍完《異度空間》後撞邪的傳聞，哥哥表示絕無此事。他說：「黐線，梗係唔係啦！」（報道仲話你失眠喎？）唔係？有時玩大兩晚通宵麻雀都會瞓唔著啦，總之多謝關心，唔好再將件事渲染啦！唔關事啦。」

對鬼神敬而遠之

那麼與黃耀明合作的大碟，錄音工作是否暫停呢？

哥哥解釋：「其實我地已經錄晒，依家等緊黃耀明做後期。

（環球係咪知你唔舒服，所以放你幾日假呀？）係我提出，加加埋埋咪咁囉，係我話要休息幾日，之前諗劇本諗到好累。

否認赴台治脫髮

   
其實有關哥哥的傳聞層出不窮，昨日更有報道指一位台灣專治脫髮的醫生，高調向傳媒爆料，透露哥哥與梅艷芳都是她的客人。問及哥哥此事時，他否認說：「冇，我都唔知N咁多年冇去過台灣啦！」說畢哥哥還垂下頭問記者：「我有禿頭咩？」記者齊聲答：「冇！」

暫不聯絡張曼玉

 
談到好友張曼玉離婚？哥哥表示：「私人嘅野，唔方便講咁多，我同佢係好朋友，上次在上山詩鈉的婚禮見到佢，佢都冇同我講，每個人都有佢嘅思想空間，就算講了畀我哋聽，佢都未必一定會開心，有一句說話叫做守口如瓶呀嘛！」問他會不會聯絡Maggie？哥哥說：「過一段時間先啦，佢今次的決定係好理智，絕對唔係霎時衝動。（信唔信偉仔同Maggie的緋聞？）我唔信，雖然冇乜事係冇可能，但唔係話拍一、兩套戲就會係咁。」對於有傳張曼玉與劉嘉玲因為偉仔而反目，哥哥表示：「冇見過佢地，所以唔知情。」

另外，張國榮除了出席支持外，更即場寫了一張支票交給莫媽媽，代為捐給兒童癌病基金。至於哥哥捐出幾多錢，莫媽媽就沒有透露。她說：「哥哥係一個善心人，佢想低調做善事，所以幾多錢就唔方便講喇！」