2002
黃耀明獨撐大局 張國榮拍新碟MV玩失蹤
哥哥張國榮與黃耀明合作的唱片將於下月中推出，但於本月中哥哥突然取消封套拍攝，雖然其所屬的環球唱片欲游說哥哥復工，奈何哥哥卻大玩失蹤，兩個星期以來更是音訊全無，不但令唱片封套遲遲未能埋尾，更被迫擱置原定由他與黃耀明合唱的《夜有所夢》MV的計畫，結果明哥迫於無奈要獨撐大局拍MV及做宣傳。而應變方法便是唱片公司決定本周改而力谷另一首由明哥主唱、哥哥獨白的《這麼遠、那麼近》，而在此首MV中，哥哥更是有聲無影，數個鏡頭也只是用哥哥的舊照交代算數。
對哥哥失蹤一事，環球唱片高級副總裁朱國禎直認不諱說：「都唔知佢去咗邊，聯絡唔到佢。當時佢話唔舒服，做野辛苦所以唔做。（呢件事有冇影響大家嘅關係？冇問題嘅，冇乜所謂。（咁封套設計依家點？）仲諗緊，可能畫出來囉！」
太陽報
LeslieCheungCyberworld © 2024 , All Rights Reserved