1999
阿倫爆響口已錄合唱歌 哥哥拗頸：冇喎！
爾冬陞認真巴閉，前晚其新片《真心話》首映禮星光熠熠，連久未露面的梅艷芳及張國榮也畀面出席。
 |
張國榮是夜心情大好，但未知是否近日太忙，無暇睇娛樂版，所以連阿倫爆響口，話佢地已經錄咗合唱歌都唔知，竟然話根本冇錄過音，冇合唱過！咁同阿倫拗頸，仲話一曲泯恩仇添！
早前譚詠麟公開承認與張國榮合作錄歌，前晚哥哥卻正式否認，更話同阿倫冇碰過面：「可能會有合作唱歌嘅機會，但目前真係冇合唱、冇錄音，所以我唔知點解會咁傳！」 |
|
而哥哥更表示其執導的新片將有改動，可能唔用莫文蔚做女主角，「我有個更好更浪漫故事，會集中講感情戲。所以可能唔用莫文蔚而另覓人選，我好歡迎各位自薦㗎！」
哥哥更推掉《星月童話》續集，而先接拍張之亮的《星光大道》及與陳果合作。 |
哥哥畀面出席《真心話》首映，但就搶晒男女主角鏡，小寶嬲你好定多謝你好？ |
阿梅怕醜唔自薦
另外，小寶與梅艷芳自傳出緋聞後，首次合照，兩人毫無扭擰、尷尬，謠言不攻自破。
對於哥哥歡迎女星自薦作其新片女主角，阿梅則覺得是潮流問題，但自己卻冇膽嘗試：「我面皮好薄！自薦唔啱我！如果哥哥覺得我啱，自然會搵我㗎啦！」
東方日報
LeslieCheungCyberworld © 2024 , All Rights Reserved