Leslie Cheung Cyberworld

張國榮因性格不合與滾石分手

滾石唱片公司香港地區總監陸少康昨日在任賢齊演唱會的記者會上，表示張國榮過檔環球是因大家「性格不合」，他說：「哥哥走其實冇咩特別意思，可能係跟香港市道唔好有關。（咁你地有冇挽留過佢呀？）唔係挽唔挽留嘅事，只係哥哥留喺度未必可以做得更好。」

據他言下之意，今次不與哥哥續約不知是否因哥哥的唱片銷量不好有關呢？他笑說：「哥哥的唱片賣得好好，只係我地做得唔夠好，因為哥哥唔同其他歌手，每年一定要出幾多張唱片，所以好難講。」

仍然係好朋友

對於外間猜測可能因哥哥的歌酬太高，令到滾石冇錢賺，陸少康反駁說：「哥哥嘅歌酬非常合理，即使唔同公司，我地仍然係好朋友。」

今年滾石會將主力集中在任賢齊和莫文蔚身上，他說：「任賢齊係我地公司上年最賣得嘅歌手，而Karen在台灣都好紅，所以今年主要係做佢地，至於其他歌手，好似Beyond咁，八月佢會出唱片，年底可能會有巡迴演唱會，遲吓仲可能會有啲特別嘅野要宣布。」