1999
阿梅個唱7月再開波
梅艷芳的七場紅館演唱會前晚告一段落，但原來今次個唱只是打完上半場，在演唱會慶功宴上經阿梅親口證實，今年七月份演唱會將添食，她開心的表示：「張耀榮話訂七月紅館個期可以再開，預計開四至六場啦，我諗體力都頂得住！」不過，阿梅謂下半場的演唱嘉賓就要另覓人選，因張國榮已沒檔期呢！
阿梅和哥哥確是舞台上的最佳拍檔，每晚都令歌迷感到意猶未盡。前晚最後一場，阿梅和哥哥更向台下歌迷開了一張期票：「如果八十歲仲未死的話，我免費開場演唱會俾你聽！」
演唱會臨近尾聲，阿梅玩得分外投入，在安哥時阿梅更赤腳在台上走來走去，大唱串燒歌，玩到興起時，眾舞蹈員將阿梅凌空拋起，大家又唱又跳，氣氛猶如嘉年華，演唱會至近十二時才結束。
東方日報
LeslieCheungCyberworld © 2024 , All Rights Reserved