1999
戀上左手討厭右手隱喻直變攣？ 張國榮卸膊
|
「從那天起我不辨別前後，從那天起我竟調亂左右……從那天起我戀上我左手，從那天起我討厭我右手。」張國榮主唱的新歌《左右手》，有說歌詞具更深一層意義，隱喻一個人由異性戀變同性戀的心路歷程，所謂男左女右，討厭右手戀上左手，令人聯想到這首歌的弦外之音。
|
|
|
由於哥哥更曾經公開表示好朋友唐先生是他生命中最重要的人，位置僅次於媽咪，種種關係，《左右手》這首歌莫非真的有背後意思？昨日，哥哥出席「紅心巴」活動擔任「紅心哥哥」，講到《左右手》的背後意思，哥哥輕輕笑說：「點都得，首歌係林夕寫，你問林夕，咁好填詞人寫乜我都會唱。（你有冇俾Idea呀？）冇，唔使俾Idea林夕。」哥哥更抵死說：「係咪林夕心聲呀？」便將話題帶過。記者不放過繼續追問：「你係咪最鍾意呢首歌呀？」哥哥醒目地答：「隻隻都幾鍾意，唔可以咁大細超，我鍾意左右手，左右腳都鍾意。」
新碟包辦冠亞軍
此外，《陪你倒數》在IFPI銷量榜連續兩星期佔No.1，連舊公司華星幫哥哥出的精選碟都高踞亞軍位置，哥哥笑說：「好彩都賣得，唔賣得就丟架少少。我唔介意華星出我舊碟，一樣有錢收，但封套相都唔幫我執一執眼袋，好在塊臉冇乜，有雀斑就大件事。」地位超然的哥哥，果然看透世情乜都冇計。 |
|
張國榮到保良局和鄭丹瑞各邀一名智障人士打羽毛球，宣揚傷健合作訊息，最後梗係球技精湛的哥哥勝出啦！ |
東方日報
LeslieCheungCyberworld © 2024 , All Rights Reserved