1999
被斟與林心如拍賀歲片 哥哥：我都未應承！
 |
黃百鳴早前向外宣稱即將開拍的賀歲片會由張國榮及林心如主演，哥哥（張之暱稱）表示未決定接拍之餘，仲話自己唔鍾意拍賀歲片！
哥哥一早便到場，連他自己都話：「做乜咁早搞醒我呀？平時我都未轉身呀！」隨後他表示：「黃百鳴部賀歲片我都未應承，佢就煲到咁大！」會否拍？「以佢同我的交情……應該會吧，但其實我都唔鍾意拍賀歲片，次次趕到劇本都未睇清楚就拍完，好似冇咩誠意咁，o依家開戲咁難，好心大家就拍好戲啦。」 |
|
被問到有關前度女友倪詩蓓與黃玉郎結婚一事，他大方地回答：「幾好吖！戥佢地開心，恭喜佢哋。」自從分手之後，他們已沒有聯絡，直至今年年初黃百鳴東方電影公司春茗上，再見到倪詩蓓，當時她與黃玉郎在一起，可有打招呼？他即回答：「梗係有啦！又唔係仇人，佢哋呢一對幾好吖！」問張國榮可會送禮予度女友？他開玩笑說：「哈哈，情侶錶一對啦！」那麼，可會去飲喜酒？張國榮反問：「睇佢哋請唔請我先，請嘅話，梗係去啦！」張國榮講到咁上下即轉換話題：「呢啲陳年舊事，仲提嚟做乜！」 |
|
香港報章
LeslieCheungCyberworld © 2024 , All Rights Reserved