Leslie Cheung Cyberworld

睇完個廣告後榮仔有啲唔開心

打電話俾張國榮，話：「喂！好耐唔見噃，出嚟同我地班朋友飲吓茶呢，好唔好？」「……」佢諗咗一輪話：「同你飲茶得，有人想我出來為《緣份》宣傳就唔制。」

「係咩？點解呀？」「你有無睇明周呀？」

「你係指登明周的《緣份》嗰個廣告？」「係！」

「佢地側重咗張曼玉呀？」「總之，令人氣餒啦。阿吉，你都知我份人啦。」

「知呀，榮仔你好好人嘅。」坦白講，阿吉係幾鍾意佢。「你地對我唔好呀。」佢話。

「邊個呀？」「總之有人啦。」

「咁，你出來同阿吉見面單獨傾吓啦。」「……」又諗咗一輪：「不如遲多幾日啦，我呢輪忙住讀劇本（指《豪門恩怨》電視劇(即《武林世家》。）」唔想勉強佢，唯有說再見。

之後見到石少鳴，將張國榮的事告知，石先生話：「咁多廣告，十幾款，佢偏偏睇嗰款。」

「好難怪的。」阿吉話：「阿吉呢位小朋友年來受咗唔少委屈，今次出門，回來打開報章，就見嗰個以張曼玉大頭做嘅廣告，佢屋企可能僅得一本明周呢，所以，唔開心亦人之常情。」