2001
好友生日備賀禮張國榮禁煙大使買雪茄
身為禁煙大使的哥哥張國榮前晚出現半島酒店，只見他在雪茄店內買了三千元左右雪茄離去，其間他心情大好，他更表示雪茄是買來送給朋友當作生日禮物。
哥哥張國榮前日傍晚六時半左右出現半島酒店，只見他面紅紅，似剛喝過酒，哥哥當晚心情很靚，一見記者更主動走近打招呼，他謂剛與唱片公司老闆吃完飯。之後，哥哥獨自走入酒店內的雪茄店，左挑右選一番，最後買了一盒價值二千五百元的雪茄、一個八百八十八元的火機及一個四百五十元的雪茄皮套，總共三千八百三十八元，但因哥哥識人有優惠，只以三千元左右找數便可以。
品味等同古巴領袖
哥哥所買的雪茄，原來是古巴出產、甚有名氣的Cohiba的SigloI，古巴領袖卡斯特羅都是該牌子的擁躉。
哥哥表示他所買的雪茄並非自用，他說：「我有朋友生日，佢鍾意食雪茄，我經過見到咪買來送畀佢。」不過當記者拍照時，他又顯得避忌地說：「我係禁煙大使，唔好影我買煙啦！」而哥哥離去時更風騷揮手說再見，然後由助手駕車接載他離開。
蘋果日報
LeslieCheungCyberworld © 2024 , All Rights Reserved