張國榮很想嘗試 未演過盲佬角色
1994-03-26
張國榮一度時期改變形象，蓄長髮，留鬍子，至於評語如何，各有不同，但那次他出席《霸王別姬》慶祝得到金球獎的宴會上，他回復本來朝氣、靚仔的面目。
.jpg) |
記：嘩！成個靚晒，又後生了。
張：係咩，以前的形象不好嗎？
記：唔係唔好，但不是大多數人接受。
張：好奇怪，女人唔鍾意我留鬚、 長髮的樣子，男人則好喜歡。區丁平、張叔平仲話從未見過我如此靚仔過。其實，我係想改吓形象，咁多年都是那樣子，好悶嘅。
記：你那時也是為了《東邪西毒》。
張：係呀，我在該片好污糟爛躂。
記：影片終於完成。
張：你知嘛！收工那天我唔知幾開心，開心到想喊，我仲話「阿厘吉帝」，成組人還開香檳慶祝，大家不知幾happy。 |
記：以後仲敢唔敢拍王家衛的戲？
張：點解唔敢，王家衛的影片雖然拍得長，但他的戲是可以講到啲嘢，一句對白都唔會浪費，言中有物。
記：可是，呢部片由武俠片高潮拍到低潮後才推出，未知能否收到效果。
張：這是一部與別不同的武俠劇，我相信可以帶起武俠片潮流。
.jpg) |
記：除王家衛外，有邊啲導演你你覺得他們有才華？
張：如于仁泰、關錦鵬，他們的戲都係講到啲嘢。
記：陳凱歌呢？
張：他又是另類唔同導演，當初拍《霸王別姬》，我諗住台上做女人，台下做番《胭脂扣》的十二少，咁就無死啦！點知去到大陸同一班工作人員相處下，發覺是唔可以，凱歌當初已經同我講咁嘅演繹手法係唔對，因為咁樣做，唔可以人戲合一，當年代的戲子，台上是女人，台下亦是女人般，他們根本人戲不分。 |
記：你拍了呢部戲，又會否變了人戲不分，不能抽離角色？
張：唔會，我在這方面覺得幾好，識得抽離角色。
記：你到現在，還有甚麼角色想演？
張：我想演不大正常的角色，或者是盲人，我相信感覺好特別。
記：有無機會做呀？
張：目前有一部西片在斟洽中，同《鋼琴》男主角亨利荷特合作，我演一個不大正常的中國留學生，肢解女友，這是真人真事，很有挑戰性。
張國榮的《霸王別姬》，因為條件不符「香港電影金像獎」賽例，是故未能參賽，他雖有信心攞硬這個影帝，現在好夢落空，唯有寄望《東邪西毒》了。
